Никола Пелц добива милион долари џепарлак месечно, Бруклин Бекам со поумерена поддршка од славните родители

Финансиската состојба на Бруклин Бекам и Никола Пелц е меѓу жешките теми деновиве.

29-годишната актерка добивала дури 1 милион долари месечно од својот татко, милијардерот и инвеститор Нелсон Пелц.

Оваа сума значително се разликува од финансиската поддршка која Бруклин, наводно, ја добивал од своите родители, Дејвид и Викторија Бекам. Иако семејството Бекам важи за едно од највлијателните во светот на славните, нивниот пристап кон децата, според блиски извори, бил многу поумерен.

Новинарката Марина Хајд, гостувајќи во подкастот „The Rest Is Entertainment“, откри дека Бекамови имаат јасна визија нивниот најстар син да изгради сопствена кариера и финансиска независност.

„Од она што го слушам, мислам дека Бекамови му даваат на Бруклин многу пари, но не луда сума. Во одредена мера имаат сон тој сам да застане на свои нозе и да стане самостоен“ – изјави таа.

Од друга страна, Нелсон Пелц, чие богатство се проценува на околу 1,6 милијарди долари, наводно нема дилеми кога станува збор за финансиската сигурност на ќерка му. 

„Можеби Нелсон ќе негира, но имам слушнато како вели дека ѝ дава на својата ќерка месечен џепарлак од милион долари“ – рекла Марина.

Дури се шпекулира дека токму тој инсистирал на строг предбрачен договор, кој дополнително ги загрижил родителите на Бруклин. Дејвид и Викторија, чие богатство се проценува на 680 милиони долари, мислеле дека нивните деца никогаш не би потпишале предбрачен договор.

„Единствената работа која Бекамови не мислеа дека нивните деца би ја направиле е да бидат оние кои потпишуваат предбрачен договор, мислеа дека би било обратно“ – додала Хајд.

Младиот брачен пар веќе повеќе од една година живее во луксузна вила во Лос Анџелес вредна околу 11 милиони фунти, а наводно главен сопственик на имотот била Никола.