Антониа Гиговска деновиве ужива на охридскиот брег заедно со својот близок пријател, шминкерот Даниел Николовски, а големо внимание привлекоа нејзините стајлинзи.
24-годишната пејачка сподели низа фотографии кои совршено ја отсликуваат нејзината младешка енергија и стилот. Згодната музичарка позираше во целосно бела комбинација од топ и мини здолниште кои ѝ ги нагласија тонираните стомачни мускули.
Вториот стајлинг носи сосема поинаква, поурбана нота. Под креативната палка на нејзината долгогодишна модна стилистка Викторија Бурсаќ, Антониа се појави во бежов елек со V-деколте, комбиниран со кратки тесни панталони и модерни каубојски чизми од кои се наѕираат високи спортски чорапи. Изгледот е надополнет со кафена марама со точкест принт и накит од брендот Rue des Mille, кој кај нас може да се најде во продажните места на Chapter 03.
„Охрид е нашиот Тексас кога ја имаме Бурсаќ“ – стои во описот под заедничката фотографија со Даниел, за која двајцата позираат во складни, автентични комбинации.
