Неутешната сопруга на Ристе Велков, кој загина во сообраќајка со синот, сподели негова изведба на „Ave Maria“

Семејството, пријателите и почитувачите на музиката сè уште се во неверување по прераната смрт на истакнатиот македонски оперски пејач Ристе Велков.

Неговата сопруга Христина, скршена од болка и неутешна по големата загуба, на социјалните мрежи сподели видео од негова моќна изведба на познатата „Ave Maria“, со која потсети на неговиот талент и врвен глас кој прерано згасна.

Велков важеше за еден од највпечатливите и најталентирани баритони на нашата оперска сцена. Со својот специфичен вокал, харизма и професионализам, тој остави неизбришлив белег во Националната опера и балет, како и на бројни домашни и меѓународни фестивали.

Талентираниот баритон почина во сообраќајна несреќа на скопската обиколница заедно со неговиот 20-годишен син Адам и уште две 20-годишни момчиња.

Заминувањето на уметник од ваков калибар е огромен недостиг за македонската култура, а болката е најголема за неговото семејство на кое во овие тешки моменти му е потребна најголема поддршка.

Искрено сочувство до семејството и најблиските.