Неповторливата Калиопи пресреќна за настапот со Хозе Карерас: „Да се пее со Хозе е како некој да ти ја гали душата…“
Незаборавна музичка вечер се одржа на Плоштадот Македонија во Скопје, каде Хозе Карерас настапи со македонските музички ѕвезди по повод одбележувањето на 35 години независност на Македонија.
Калиопи Букле, која настапи со легендарниот шпански тенор, не го криеше своето воодушевување од можноста да ја дели сцената со него.
По концертот таа сподели видео и порака на социјалните мрежи, опишувајќи го моментот како уникатен, величествен и нереален.
Овој момент…
Уникатен, величествен, неповторлив и нереален во секој поглед… барем за мене…
Да се пее со Хозе Карерас е како некој да ти ја гали душата…
Маестро Карерас, ми беше огромна чест да пеам со Вас.
Ви благодарам за сета музика што му ја подаривте на светот.“
Претходно, Калиопи ја одушеви публиката и со изведбата на „Месечина“, „Обои ме“ и „Бисер Балкански.“