Македонскиот бодибилдер Мирко Петровски го напушти овој свет.
Тажната вест за смртта на фитнес зависникот, кој тренираше многу наши познати личности, ја сподели музичарот Владимир Блажев - Панчо на својот Facebook профил.
„Сè уште сакам да мислам дека е само еден лош сон. Мирко мој, не требаше вака да нè оставиш. Знам дека имаше уште многу планови зацртани и многу работи недокажани. Денес изгубив(ме) голем другар, голем спортист и татко. Couch мој, на поубаво место си секако каде конечно ќе го најдеш твојот душевен мир. Ќе те памтам како добар човек и лојален другар. Вечна ти слава Мирче мој“ – напиша тој.
Голем број интернет корисници со неверување се збогуваат со Петровски.
Професионалниот бодибилдер се занимаваше со спорт од рана возраст. Тој беше добитник на многу национални и меѓународни награди за бодибилдинг, меѓу кои и Државната награда „8-ми Септември“ од 2013 година за исклучителен придонес за развој на спортот, афирмација и промоција на Република Македонија на меѓународен план.
