„Не сте преживеале канцер, затоа ви е океј да дишеме воздух на смрт што мириса“: Анжелика Колева револтирана од аерозагадувањето
Анжелика Колева со револт реагира на загадувањето на воздухот во Скопје, предизвикано од пожарите на депониите.
Познатата уметница, која ја има добиено битката со рак на дојка, одамна е активен и гласен критичар на проблемите што ја засегаат јавноста.
Овојпат таа со остри зборови го осуди континуираниот „екоцид“ кој со години го загрозува животот и здравјето на жителите на главниот град:
Не сте преживеале канцер, затоа ви е океј да терате предизборни кампањи наместо да ангажирате сѐ што е војска и полиција да ги чува депониите.
Не сте чекале ред на онкологија за хемотерапија, затоа ви е океј да дишеме ваков воздух на смрт што мириса.
Не се треселе вашите фамилии пред оперативна сала дали ќе го извадат цел тумор, и не сте чекале резултати од пет скен дали имате метастази, затоа океј ви е да гледате вакво сонце.
Вашите деца не ли го дишат овој отров?! Или безбедни се по школи по светот на чисто и здраво, а ние овде ко случаи за посматрање колку стапа можеме да издржиме?! За децана од Кочани што изгинаа имаше сториња неколку дена и никој веќе не спомнува. За Онкологија исто така! И ред останати глупоштии!
Ова е растроена нација, психички оболена за лајкови и интеракција на мреживе. Непотресени за ништо. За ништо не ги боли, освен за продолжен викенд да врзат. Додека не еволуира овој народ нема спас.
Составот на нашава држава е од Партиски полтрони и ништо повеќе од тоа. Во состојба сте да се угушите самите себеси. Што правиме со вашите деца м? Или ај ништо не е битно ќе клатам врата и зимам плата! Каков народ-таква држава! Толку! СТАВАЈТЕ МАСКИТЕ...да се заштитите де!!