„Не сме совршени, но сме тим“: Шеф Никола од „Брза кујна“ прослави 6 години брак со саканата Стефанија

Уште еден добар повод за славење во семејството на Никола Мишковски.

Откако пред неколку дена го прослави роденденот на ќеркичката Калиа, популарниот готвач од „Брза кујна“ ја одбележа 6-тата годишнина од стапувањето во брак со саканата Стефанија.

„Среќна 6-годишнина! Не сме совршени, но сме тим што знае што значи да се биде тука – секогаш. Силата не е во годините, туку во секој миг кога се избравме и кога се поддржавме“ – стои во описот.

„Разбирање и поддршка – темелот на секој заеднички чекор“ – е напишано на колажот од фотографии во стилот „некогаш и сега“.

Никола и Стефанија имаат две ќеркички.

Минатиот месец, Никола привлече големо внимание со својата фитнес трансформација. Тој успеа да симне 30 килограми за 100 дена.