„Не постои љубов како твојата ТАТО“: Елена Ристеска со емотивна порака 5 години по смртта на татко ѝ
Елена Ристеска ја одбележува секоја годишнина од денот кога го изгуби својот татко.
Македонската пејачка објави емотивна порака 5 години по неговата смрт заедно со стара фотографија.
Прочитајте ја:
На овој ден пред 5 години беше нашиот последен поздрав со твоето тело, но душата твоја нè напушти на 29ти. И секогаш мислев дека на денот на починувањето ќе ми биде најтешко и секој следен таков датум, ама потешки се деновите кои доаѓаат после тој ден. ‘Полни’ се сите денови со празнина. Ќе рече некој душите не нè напуштаат, не знам колку е вистина тоа ама мене ми е единствената утеха со која одбирам да живеам. Не сакам да прифатам дека те нема, ама максимум што можам да прифатам е да мислам дека си некаде далеку во друга држава и дека ти е најубаво, дека затоа не си тука.
Знам дека си горд на мене и дека сè гледаш и сè слушаш и знам дека уште повеќе беше горд кога пеев и нижев успеси со музиката, но само ти можеш да ме разбереш кога душата ми тагува и не ѝ е до песна, и кога целиот предизвик, елан и мотивација ќе ти избегаат некаде далеку. И затоа полесно ми е да работам нешто друго, а не музика. Ама ветувам пак ќе пеам како некогаш, ти го должам тоа тебе за да се гордееш од горе и секако на тие кои ме сакаат. Ти напишав јас песна, ама кога ќе соберам храброст и сила ќе ја објавам…
Не постои љубов како твојата ТАТО.
Елена објави и порака на денот кога нејзиниот татко ќе го славеше 70-тиот роденден доколку беше жив.