Лејди Гага го обожава центарот на вниманието и умее да го привлече максимално кога ќе посака. Популарната пејачка и актерка пристигна на Филмскиот фестивал во Венеција и инстантно ги забрза прстите на фоторепортерите.
Облечена во црн фустан, таа седеше на работ на такси-бротче додека нејзините нозе висеа над водата.
Лејди Гага ја има главната улога во режисерското деби на Бредли Купер. Филмот „The Star Is Born“ премиерно ќе биде прикажан утре на 75-тото издание на најстариот филмски фестивал на светот.