Не е тајна дека кралицата Елизабета II има развиено своја стилска формула по која се раководи за појавувањата во јавност.
Колоритни аутфити за да се истакнува во толпата, црни чевли и мала чантичка со рачка, ракавици.., а во изминатиов период, еден додаток во нејзиниот стил особено го привлекува медиумското внимание – чадорот.
Лондон е дождлив град, па таа честопати мора да носи чадор додека ги извршува своите официјални должности.
Но, 92-годишната Британка има пронајдено одличен начин за да го вклопи чадорот во своите стајлинзи. Од 1993 година наваму, таа секогаш избира ист модел на чадор од брендот Fulton, но во различна боја во зависност од облеката која ја носи. Чадорите се проѕирни со идејата јавноста да може да ја гледа.
Фотографиите потврдуваат дека британскиот монарх поседува импресивна колекција чадори во секакви нијанси.
