„Насилството не е приватна работа. Тоа е рана на целото општество. Мора да се каже ДОСТА!": Дац против семејното насилство

Драган Спасов-Дац го крена својот глас против семејното насилство.

Македонскиот актер не остана рамнодушен на вчерашната трагедија во Скопје, како и на најновите информации дека насилникот ја тепал жртвата истиот ден која таа загина со ќерката по пад од балкон.

На Facebook, тој порача дека семејството треба да биде најбезбедното место за секого и дека како општество, мораме да ставиме крај на насилството.

„Семејството треба да биде засолниште. Место каде што зборот лечи, а не повредува. Каде што рацете гушкаат, а не удираат“ – стои меѓу другото во неговата порака.

Еве ја во целост:

Семејството треба да биде засолниште.

Место каде што зборот лечи, а не повредува.

Каде што рацете гушкаат, а не удираат.

Семејното насилство не започнува со модринка.

Започнува со навреда, со понижување, со тишина што боли.

Со „извини“ што премногу често се повторува.

Љубовта не е страв.

Љубовта не е контрола.

Љубовта не остава лузни ни на телото, ни на душата.

Да молчиш не значи дека си силен.

Да трпиш не значи дека е нормално.

Да побараш помош значи дека се сакаш себеси доволно за да ставиш крај.

Да ги учиме децата дека почитта е поважна од егото.

Дека разговорот е посилен од викот.

Дека домот е место на сигурност, а не на страв.

Ако некој страда немој да вртиш глава.

Понекогаш една порака "Добро ли си?" може да спаси живот.

Насилството не е приватна работа.

Тоа е рана на целото општество.

И лекувањето започнува со храброст, мора да се каже „ДОСТА!“