Лори и Вејн Халквист се брачен пар кој не можете да не го забележите. Нивната вкупна висина е 4,07 метри и тие официјално ја добија титулата највисок брачен пар на светот.
Лори е висока скоро 2 метри, а Вејн 2,07 метри. Тие се во брак веќе 7 години, но оваа година дознале дека можат да кандидираат да бидат запишани во Гинисовата книга на рекорди.
„Кога стапивме во брак во 2003г., на шега побаравме кој е највисокиот пар и научивме дека во 1870г. имало брачен пар во кој и мажот и жената биле високи над 213 сантиметри, па се откажавме. Но, потоа членови на нашето смејство дознаа дека можеме да кандидираме за рекорд за највисок жив брачен пар, па така и направивме“ – изјавиле Лори и Вејн.
Лори и Вејн се запознале в црква. Вејн веднаш покажал интерес кон Лори, но таа се однесувала со резерва кон него. „Премногу се шегуваше за големината на моите раце и стапала. За една висока жена тоа е исто како да се шегуваш со нејзината возраст“ – со насмевка раскажала Лори.