Најголемата елка во светот
Највисоката новогодишна елка на светот беше поставена во главниот град на Мексико. Со голема свеченост во саботата вечерта беа запалени 8 милиони разнобојни сијалици, кои ја красат големата вештачка елка.
Оваа величествена атракција е создадена за да привлече голем број туристи во Мексико Сити. Со својата висина од 112 метри, овогодишната елка на главниот град на Мексико треба да влезе во Гинисовата книга на рекорди.
Прекрасната елка има дијаметар 40 метри, а тежи неверојатни 330 тони.
Мексико Сити очекува да привлече повеќе од 3 милиони странски и домашни туристи со својата разнообразна божиќна и новогодишна програма.