„Најубавата година во мојот живот“: Ирина Дишо со слатко видео за првиот роденден на ќеркичката
Ирина и Павле Камилоски денес го слават првиот роденден на ќеркичката Лена.
За да го одбележи овој специјален ден, македонската планинарка сподели слатко видео во кое се претставени „лудориите“ на слатката Лена.
Првите нестабилни чекори, обидите да се придобие вниманието на „бате“, детските игри... Ирина покажа дел од моментите со малата ќеркичка и напиша:
Девојчице моја мала. Не знаев колку сум спремна да бидам мајка на женско дете, сѐ до оној момент кога Господ ми те даде тебе🥹
Толку мала, а голема. Упорна, борец мој. Бељаџика на мама. Куклица моја малечка. Леночка моја. 🥹
Среќен прв роденден мајкино, те сакаме до небото.
На Instagram Story, Ирина додаде:
„Една година Леночка. Најубавата година во мојот живот со Јосиф и Лена до мене“.
Ирина и Павле стапија во брак во февруари 2023 година. Нивното синче Јосиф се роди во јуни 2023 година, а ќеркичката Лена дојде на овој свет во јануари минатата година.
