Најпознатиот јутјубер PewDiePie, чие вистинско име е Феликс Арвид Улф Шелберг, стапи во брак со својата сакана Марција Бизоњин, точно осум години откако се запознале.
29-годишниот младоженец и 26-годишната невеста споделија фотографии од свадбената церемонија во Лондон, каде го изговорија судбоносното „ДА“ пред најблиските роднини и пријатели.
Марција, која е ѕвезда на Instagram, напиша: „Вчера, 19 август, точно 8 години откако се запознавме, ја прославивме нашата свадба со најблиските пријатели и семејството. Тоа беше најубавиот ден, кој ќе го чувам во срцето засекогаш. Се чувствувам како да сум најсреќната личност и сум исполнета од љубов. Неверојатно возбудена сум што можам да го викам Феликс мој сопруг до крајот на нашите животи.“
