Најголемиот празничен тренд: Ралф Лорен естетиката е хит, еве со што ќе ја постигнете

Ако минатата година владееше трендот „кокета“, кој подразбираше да ставаме панделки насекаде, годинава најсилен тренд при празничното декорирање е таканаречениот „Ралф Лорен Божиќ“.

Инспириран од колекциите на американскиот дизајнер Ралф Лорен, овој празничен тренд ги преплави социјалните мрежи, бидејќи зрачи со топлина и потсетува на сцени од божиќен филм.

Палетата на бои е раскошна. Наместо експерименти со бои, се избира класика, т.е. длабока зелена како зимзелена шума, бордо кое потсетува на квалитетно вино, кремасти тонови кои ја омекнуваат светлината и допири од злато или месинг кои дискретно блескаат во ноќта.

Карираниот дезен зазема централно место и се појавува на перничиња, ќебиња, чаршафи за маса, декоративни панделки на елката или чорапи обесени покрај камин. А кога станува збор за материјалите, се избира кадифе, волна, свила и сè што делува луксузно на допир.

Лампионите имаат винтиџ шарм, делуваат како да се дел од наследство, а сијаличките се топли и нежни, без силно трепкање, како тивка светлина од камин која го грее просторот и атмосферата. Често застапен мотив се мечињата, кои се појавуваат на перничиња, ќебиња или во форма на лампиони за елката.

Следува доза инспирација како да го копирате: