„Најдобриот божиќен подарок“: Ана Курникова и Енрике Иглесијас ја споделија првата фотографија од четирите деца

Оваа празнична сезона ќе биде незаборавна за Ана Курникова и Енрике Иглесијас.

44-годишната поранешна тенисерка и 50-годишниот пејач се пресреќни по доаѓањето на четвртото дете во нивното семејство. Славниот пар ја сподели првата фотографија од сите деца и напиша: „Моите сонциња“.

Извор близок до парот за People изјавил дека тие уживаат во семејниот живот и дека обожаваат да поминуваат време со децата.

„Ана и Енрике го обожаваат семејниот живот и ќе ги поминат празниците со своето семејство. Ќе биде зафатено и хаотично како и секогаш, само уште малку повеќе, но сè ќе биде исполнето со радост и љубов. И двајцата обожаваат да бидат родители. Четвртото дете им е најдобриот божиќен подарок“ – рекол изворот.

Бебенцето се роди на 17 декември, но не беше откриен ниту полот, ниту името на новороденчето.

Ана и Енрике ги имаат и 7-годишните близначиња Луси и Николас, како и уште една помала ќерка, Мери. Веста за четвртата бременост се рашири пред три месеци, кога Ана беше фотографирана со трудничко стомаче.

Курникова и Иглесијас се заедно од 2001 година. Нивната врска започна две години пред таа да се повлече од професионалниот тенис.