Кијану Ривс изненади младенци на нивната свадба и им го направи тој ден уште поспецијален. Холивудскиот актер позираше со среќните партнери и нивната ќеркичка.
Имено, Кијану престојувал во истиот хотел во Англија, каде што Џејмс и Ники Роднајт ја правеја големата прослава.
Кога случајно се сретнале во хотелот, Џејмс му кажал на Кијану дека штотуку се ожени и го поканил да им се придружи за пијалок.
Ривс им рекол дека ќе им се придружи подоцна, но тие се сомневале дали навистина ќе дојде. „Имаше многу пријателски однос и рече дека ќе дојде подоцна. Не знаевме дали навистина ќе дојде, но беше кул што мојот сопруг разговараше со него“ – изјавила Ники.
Популарниот актер им честиташе на брачните партнери, позираше со нив и потоа си замина.
„Најдобар беше“ – дополнила таа и објаснила дека Ривс бил уморен поради подолго патување со авион.
Had the most amazing weekend!! #married #dreamwedding #keanureeves #fawsleyhall pic.twitter.com/a0RC8eS4WP
— Nikki Roadnight (@MrsNRoadnight) August 22, 2022