На задоволство на сите деца во градот, од 10-ти овој месец започна голема Вселенска авантура во Рамстор. Учењето на нови нешта за вселената отсекогаш го привлекувало вниманието на децата, но кога на тоа ќе додадете можност да се видат уникатни фотографии од вселената, да се допре реплика од вселенскиот костим кој го носел првиот човек што стапнал на Месечината, да се носи вселенски шлем и да се постават сите прашања за вселената што ќе ви паднат на ум, тогаш добивате извонредна забава за сите деца кои некогаш се запрашале што значи да се биде вистински астронаут. Бимилк и Рамстор овој месец на децата им го овозможија токму тоа, наука и забава на едно место.
Досега поставката е посетена од над 2.250 деца, а до крајот на настанот останаа уште шест дена.
За сите кои сакаат активна забава, организиран е натпревар во кој децата изработуваат ракети од пакувања од Бимилк витаминско млеко и се натпреваруваат за Xbox Kinect, iPad mini и телескоп. Досега се изработени околу 250 ракети, а најдобрите ќе бидат избрани на 31.10.2013.
