Битола повторно ќе биде градот на детската музика, радоста и безгрижноста – затоа што на 30 април, СИ-ДО ќе го одржи своето 29-то магично издание.
Најголемиот детски музички спектакл кај нас, кој со децении ја негува детската креативност и љубовта кон музиката, повторно ги отвора своите врати за најмалите, но и за сите кои веруваат дека детството треба да се слави со песна, насмевки и многу забава.
На 30 април, фестивалот ќе понуди незаборавна вечер исполнета со оригинални детски композиции, сценски настапи, блескави костими и изненадувања кои ќе ги воодушеват и децата и возрасните.
„Ве покануваме на најголемиот детски музички спектакл! 30 април 2025. Очекувајте многу музика и многу изненадувања. Не ја пропуштајте најубавата детска музичка приказна.“
„Поканети се сите другарчиња – од најмали до најголеми – заедно да го прославиме детството како што доликува: со радост, дружба и песна“ – вели организаторот Дарко Шерденков.
Подгответе се за вечер исполнета со чиста детска енергија, звук и радост. СИ-ДО – таму каде што музиката и детството се спојуваат во најубавата приказна!
