Пред првите кадри да го освојат големото платно, вниманието на отворањето на 47-мото издание на ИФФК „Браќа Манаки“ го привлекоа и визуелните приказни од црвениот тепих. Меѓу силуетите кои го задржаа погледот беше и таа на актерката Маја Андоновска-Илијевски.
Поранешната директорка на Центарот за култура на Битола избра црна креација со архитектонски обликувана мини-силуета во горниот дел и долг проѕирен завршеток кој внесува движење и доза на драматика. Чистата линија на деколтето и нагласената половина ѝ даваат префинета структура на креацијата, а транспарентниот долен дел создава интересна игра меѓу строгоста и леснотијата.
Но, модниот акцент кој веднаш го презема фокусот е црниот „фасцинатор“, скулптурален додаток со мрежести детали и разиграни форми, кој на монохроматскиот изглед му дава театарска нота и карактер. Наместо многу накит, Маја се одлучи за дискретни висечки обетки, оставајќи му простор токму на впечатливиот додаток за коса да ја води целата модна приказна.
На свеченото отворање Маја пристигна со сопругот Ице Илијевски.
Филмскиот фестивал вечерва започнува со македонската премиера на „Скејтањето не е за девојчиња“ на Дина Дума.
Фото: Ивона Кочов, Александар Василевски / Femina.mk