Моника Белучи се раздели со Тим Бартон по 2 години врска

Моника Белучи е повторно сингл.

Италијанската филмска дива се раздели со Тим Бартон по две години врска. 60-годишната актерка и 67-годишниот режисер ја објавија веста за раскинувањето преку заедничка изјава.

„Со голема почит и длабока грижа еден за друг, Моника Белучи и Тим Бартон одлучија да се разделат“ – стои во изјавата.

Моника и Тим ја потврдија нивната романса во 2023 година по месеци шпекулации дека се заедно.

Тие се запознале 16 години пред да ја започнат љубовната врска, но им се појавиле романтични чувства откако повторно се сретнале на филмскиот фестивал „Lumière“ во Лион, каде таа му ја додели наградата за животно дело.