Моника Белучи и Тим Бартон беа фотографирани фатени рака за рака на вечерно излегување во Лондон.
58-годишната актерка и 64-годишниот режисер за првпат се појавија во јавност по потврдувањето на нивната романса. Тие изгледаа елегантно во црни костуми.
Во интервју за новото издание на Elle Франција, убавата Италијанка потврди дека е во врска со Тим.
„Она што можам да го кажам е дека пред сè сум многу среќна што го запознав. Тоа беше една од оние средби кои ретко се случуваат во животот. Го познавам човекот, го сакам и тоа е уште една авантура која започнува. Го сакам Тим и имам огромна почит кон него“ – рече таа.
Моника и Тим се познавале 17 години пред да ја започнат нивната романса. Партнерите беа фотографиран додека се бакнуваа во февруари годинава, кога беше објавено дека тајно се состанувале четири месеци претходно.
