Во време кога многумина мислат дека животот забавува по пензионирањето, Божо Грчиќ е вистинска инспирација.
Младоликиот дедо од Хрватска го прослави својот јубилеен 100-ти роденден со стил достоен за легенда. Тој направи прослава на која го покани целиот град Трстеник. Сите беа поканети на забавата која Божо сам ја организираше, а која беше полна со љубов, смеење, музика и морски специјалитети.
И покрај тоа што веќе чекори во 11-тата деценија од животот, Грчиќ секојдневно излегува на море, каде што лови риба и лигни, a е и страстен сликар, кој на платно пренесува сцени од своето рибарско секојдневие и природните убавини на Трстеник. Како шлаг на сè тој сам готви за своите внуци.
„Немој да се правиш стар ако организмот и мозокот ти порачуваат дека си способен да одиш, да нешто запаметиш и да направиш некое добро дело“ – рекол виталниот стогодишник за HRT.
