„Моја најголема радост е тоа што сум мајка“: Џенифер Лопез го прослави Денот на мајката со близнаците и мајка си
Џенифер Лопез го славеше Денот на мајката со најмилите.
51-годишната музичарка сподели фотографии на кои ужива во друштво на близнаците Макс и Еми и мајка си Гвадалупе. „Денот на мајката со Мама и кокосите“ – напиша таа.
Претходно, Лопез сподели видео посветено на нејзината мајка и напиша: „Мајка ми беше таа која на многу млада возраст нè научи дека можеме да направиме сè. Ова беше нешто што остана со мене. Моја најголема радост е тоа што сум мајка и денес мислам на мајка ми и на сите мајки таму некаде. Ова е ваш ден и се надевам дека сте опкружени со љубов, благодарност и почит... уживајте“ – напиша таа.
Лопез сними фотосесија со мајка си и ќерка си за нејзината козметичка линија JLo Beauty. „Три генерации, но едно верување – ние сме без граници“ – напиша таа.
