„Моја љубов безусловна“: Лила Филиповска со фотографии и емотивна честитка за роденденот на синот Филип

Лила Филиповска со емотивни зборови му го честиташе роденденот на синот Филип, споделувајќи дел од нивната посебна врска.

Со фотографии и искрена порака, македонската водителка откри колку многу ѝ значи синот и колку е горда на човекот во кој пораснал. Лила му порача дека за неа тој засекогаш ќе остане „нејзино дете“, а во својата честитка се присети и на работите што ги поврзуваат: од името кое таа му го дала, до истиот хороскопски знак и љубовта кон музиката.

„За мене секогаш ќе останеш 'моето дете' ❤️

Јас ти го дадов името , делиме ист хороскопски знак и уживаме во музиката и во работите кои ни го разубавуваат животот! Ти си мојата сила, мојот панцир, мојот двигател и поради тебе сум она што сум ❤️

Фала ти што ме избра за твоја мајка и што никогаш не ги изневери моите очекувања… Среќен роденден Филип, моја љубов безусловна ❤️🎂🥂“ - стои на нејзината објава.