Модна реприза: Принцезата Кетрин шармантна во романтична креација од Гучи која ја носеше и пред 7 години

Манифестацијата BAFTA 2026 и оваа година доби доза кралска елеганција.

Откако минатата година го пропушти настанот поради битката со ракот, годинава принцезата Кетрин блесна покрај принцот Вилијам на црениот тепих во Лондон. 44-годишната припадничка на британското кралско семејство носеше фустан од Гучи кој го има носено и во 2019 година.

Романтичната креација со суптилен бордо појас совршено се вклопи со кадифеното сако на нејзиниот сопруг.

Појавувањето на принцот и принцезата од Велс на свеченоста доаѓа само денови по апсењето на поранешниот принц Ендрју, братот на кралот Чарлс, поради поврзаноста со покојниот педофил Џефри Епстин.