Ендрју Маунтбатен-Виндзор е уапсен. Тој е првиот висок член на кралското семејство кој бил уапсен во модерната историја.
Поранешниот принц бил приведен на денот на неговиот 66. роденден поради сомнение за злоупотреба на службената положба и овластување.
Властите го истражуваат Ендрју откако нови документи укажуваат дека споделувал доверливи информации со покојниот педофил Џефри Епстин.
Озлогласениот член на кралското семејство, кој служеше како специјален претставник на Обединетото Кралство за меѓународна трговија и инвестиции помеѓу 2001 и 2011 година, наводно му испраќал на Епстин извештаи за патувањата во Виетнам и Сингапур во 2010 година и му откривал државни тајни.
Ендрју, чија врска со Епстин е предмет на долготрајна истрага, негираше каква било вина.
Минатата година, нему му беа одземени титулите и почестите откако се појавија наводи дека бил еден од клиентите на Епстин. Неодамна, тој беше прогонет од неговиот кралски дом од страна на неговиот брат Чарлс.
Ендрју првично беше под истрага поради долгогодишните тврдења на Вирџинија Џуфри дека била принудена да има сексуални односи со него, почнувајќи од времето кога имала 17 години. Иако тврдеше дека е невин, тој спогодбено ѝ исплати милиони фунти.
Вирџинија се самоуби во април 2025 година, а постхумно беше објавен нејзиниот мемоар „Nobody’s Girl“ во кој опишува за сексуалното злоупотребување во текот на нејзиниот живот.
Во најновите објавени документи од случајот Епстин, Ендрју е фотографиран како клечи над една жена. Не е јасно кога се направени фотографиите, но има и докази дека Епстин со авион носел девојки во Велика Британија за да имаат сексуални односи со постариот син на кралицата Елизабета II.
