Сестри од Лондон освојуваат на социјалните мрежи со колоритните стајлинзи кои ги склопуваат заедно.
Оливија и Алис умешно ги инкорпорираат најновите модни трендови во комбинациите кои им ги предлагаат на илјадниците фанови. Русокосите љубителки на модата го започнаа блогот Olivia & Alice во 2017 година и оттогаш само си ја зголемуваат популарноста, благодарение на модните совети, споделувањето на сезонските трендови и патувањата.
Двете девојки се редовни гостинки на модните недели во Лондон, Париз и Њујорк, каде ги примамуваат објективите на фоторепортерите со моделите во силни и смели бои.
