Блејк Лајвли редовно добива само пофалби од модните критичари. Славната актерка, која нема стилист и сама се грижи за својот изглед, одушеви со најновиот стајлинг.
Ѕвездата од „Gossip Girl“ шармираше во модна комбинација со краток топ и волуменозно здолниште за промоција на нов филм.
На настанот за филмот „Ова завршува со нас“, снимен според истоимениот роман на Колин Хувер, Блејк носи креации од брендот Bode и сандали од Louboutin.
Книгата ја раскажува приказната за Лили, штотуку дипломирана студентка која се запознава и вљубува во маж кој се вика Рајл. Додека расте нивната поврзаност, во животот на Лили се враќа Атлас Кориган – нејзината прва љубов (врска со минатото што го има оставено зад себе). Неговото повторно враќање во нејзиниот живот ќе биде закана за сè што има изградено со Рајл.
Лили и Рајл успешно ќе ја градат нивната врска сè до моментот кога Лили ќе започне да ја гледа неговата насилна страна и ќе се потсети на односот на нејзините родители.
Нејзиниот татко ја малтретирал мајка ѝ, која го криела насилството, што довело Лили да чувствува одбивност кон двајцата.
