Мајкл Синко умешно внесе кралски шмек во новата колекција „Ready To Wear“, во која секоја жена може да пронајде соодветна креација за секакви пригоди и свечености.
Талентираниот Филипинец си поигра со различни силуети, деликатна чипка и мониста и создаде безвременски парчиња кои со леснотија би добиле место во сечиј плакар.
„Пронајдете го совршеното парче за секоја пригода. Без разлика дали сте во потрага по безвременска или уникатна креација, бидете сигурни дека оваа колекција ќе ги исполни и ќе ги надмине вашите очекувања“ – стои на сајтот на брендот.
