Селена Гомез во моментов е на промотивна турнеја за своите две нови песни „Lose You To Love Me“ и „Look At Her Now“.
27-годишната пејачка и актерка вчера беше на неколку интервјуа во Њујорк, за кои промени четири стајлинзи во еден ден.
Убавата музичка ѕвезда го започна денот во тиркизен костум од Sies Marjan за гостувањето во радио програмата „Elvis Duran and the Z100 Morning Show“.
Таа се пресоблече во есенски миди фустан од колекцијата пролет/лето 2020 на Ganni, кој го комбинираше со црни чизми. Својот изглед, таа го надополни со чанта од Celine.
За гостувањето во радиостаницата iHeartRadio во Големото јаболко, Гомез избра модерен кариран костум.
За последниот настан за денот во радиостаницата „Sirius“, Гомез облече здолниште од Miu Miu и црна ролка без ракави. Металик чантичката која го дополнуваше нејзиниот стајлинг е од брендот Fendi.
