Млади авантуристи патуваат низ светот и инспирираат други парови да истражуваат атрактивни дестинации
Хана и Ник се млади партнери од Холандија кои го истражуваат светот и инспирираат и други лица да го следат нивниот пример.
Вљубената двојка во 2015 година го создаде профилот Salt in our Hair на Instagram и за кратко време започна да привлекува големо внимание со фотографиите и советите за патување. Откако стекнаа поголема популарност на социјалните мрежи и двајцата дадоа отказ од работните места и сега непрекинато патуваат низ светот.
„Го основавме Salt in our Hair на Instagram за време на нашето прво големо патување во ноември 2015 година и започнавме да објавуваме речиси секојдневно. Се вративме на нашите работни места и го создадовме нашиот блог каде објавувавме еднаш неделно, продолживме да објавуваме секој ден на Instagram и патувавме на секои 12 недели додека ги работевме нашите работи. Една година подоцна, работевме 80 часа неделно – 40 на работа и 40 на Salt in our Hair навечер и за време на викендите.“
„Но, Salt in our Hair привлекуваше големо медиумско внимание што ни помогна да имаме стабилна заработка. Нештото што секогаш го правевме за да се увериме дека фотографиите ќе ни се споделуваат на Instagram беше да користиме популарни хаштагови. Две години подоцна, во ноември 2017 година, дадовме отказ од работа и започнавме да работиме на нашиот блог со полно работно време“ – велат тие.
„За да се рекламираме, соработуваме со поголеми блогови и сајтови за патување со цел луѓето да го дознаат нашето име. Тоа, заедно со Pinterest, ни помогна да стекнеме поголема посетеност на нашиот блог“ – пишува парот.
