Џанлука Ваки и Шерон Фонсека си поминаа лудо и незаборавно на фестивалот „Starlite“ во Марбеља.
56-годишниот Италијанец и неговата 28-годишна девојка се забавуваа на концертот на Ерос Рамацоти, кој се одржа во рамките на музичката манифестација.
Парот сподели фотографии од оваа весела ноќ и раскажа интересна приказна.
„Забавен факт: Пред околу 3 години ја добивме веста дека очекуваме ќерка. Истата таа ноќ отидовме да го гледаме нашиот добар пријател Ерос Рамацоти на концерт во Мајами. Никој не знаеше низ што поминуваме, знаевме само ние и тоа беше многу емотивно за нас. Мислам дека плачевме на секоја песна, па секогаш ќе ни евоцира прекрасни спомени“ – напиша Шерон.
Згодниот пар ја доби ќеркичката Блу Џерусалема во октомври 2020 година.
