Започнуваат веселбите по повод „свадбата на деценијата“ која крена светска врева.
Џеф Безос и Лорен Санчез, кои викендов ќе стапат во брак, пристигнаа во Венеција за да се забавуваат со над 100 роднини и пријатели меѓу кои има бројни славни личности.
Парот беше фотографиран додека влегуваше во хотелот „Aman“. 55-годишната поранешна новинарка ведро се смешкаше и ги поздравуваше фоторепортерите додека со 61-годишиот основач на Amazon се сместуваа во шармантниот италијански град.
Засега нема официјални детали за прославата. Се претпоставува дека главната церемонија ќе се одржи на островот San Giorgio Maggiore, а дека во присутните ќе се вбројат Опра, Леонардо Дикаприо и Орландо Блум.
Иванка Трамп со сопругот Џаред и децата веќе се на европско тло и уживаат во убавините на Венеција пред да го просведочат стапувањето во брак на Безос и Санчез.
Меѓу веќе пристигнатите гости се и Ким и Клои Кардашијан и нивната мајка Крис Џенер.
