Мелис, Мира и Малахат, трите бебиња предвремено родени во 31. гестациска недела во Клиника Жан Митрев, напредуваат фантастично. Поминаа околу два и пол месеци од нивното раѓање, а трите сестрички се во добра општа состојба, активни и нивниот раст и развој одговара на нивната возраст. Нивниот здрав раст и развој, заедно со насмевката на родителите, се најголема награда за тимот кој се грижеше за нив.
Од Жан Митрев советуваат будно следење на растот и напредокот, редовни лекарски контроли и почитување на препораките од докторите – како правилно да се хранат, како да се стимулира правилниот развој и како да се заштитат од евентуални инфекции. Посебно нагласуваат колку е важно редовното вакцинирање и следењето на психомоторниот развој.
Во Центарот за мајка и бебе во рамките на Клиника Жан Митрев, секое новороденче добива бесплатно четири контроли, за време на првиот месец од раѓањето, од страна на педијатар/неонатолог. По потреба, постои координација и со други доктори за дополнителни прегледи и консултации, со цел да се обезбеди целосна грижа за здравјето и развојот на детето.
