Вчера во Лас Вегас, Невада се одржа 59. натпревар за убавина „Мис универзум“ во којшто учествуваа 83 убавици од цел свет.
22-годишната Химена Наварете од Мексико успеа да ја освои титулата „Мис Универзум 2010“, освојувајќи ја публиката не само со својата убавина, туку и со својот интелект.
Прекрасната бринета ја доби круната од минатогодишната победничка Стефаниа Фернандез. Во фантастична асиметрична тоалета на Sherri Hill, Химена блескаше на сцената.
Победничката на „Мис Универзум 2010“ – Химена Наварете
„Избрав црвен фустан затоа што оваа година Мексико слави 200 години од независноста и оваа боја има многу големо значење“ – објаснила таа пред одржувањето на изборот.
За прва придружничка на Химена е избрана Јенди Филипс од Јамајка, а за втора – Џесинта Кемпбел од Австралија.