Меган Маркл во розова креација од Прада со принцот Хари и кралицата Елизабета во Бакингемската палата

Меган Маркл и принцот Хари ја придружуваа кралицата Елизабета II на доделувањето на наградите „Млади лидери“.

На приемот, кој се одржа во Бакингемската палата, новата 36-годишна припадничка на кралското семејство се појави во розова креација со потпис на Прада и елегантни црни чевли.

Кралицата носеше цветен фустан и бели ракавици и не ја криеше насмевката додека се поздравуваше со Дејвид Бекам.

Наградите „Млади лидери“ се дел од четиригодишна програма на Кралицата со која им се придава важност на млади лица кои истапуваат како лидери и им ги подобруваат животите на луѓе низ државите во Комонвелтот.