Меган Маркл и принцот Хари пристигнаа во Њујорк за нејзиното учество на самитот Time100.
43-годишната поранешна актерка ја доби поддршката од 40-годишниот принц, кој ја придружуваше на настанот и ја следеше од публиката.
Низ улиците во Големото јаболко, тие беа фотографирани во костуми. Меган носеше ленен костум од Ралф Лорен, додека Хари избра класично тегет одело.
Меган зборуваше за развивањето на нејзините бизнис идеи и шоуата на Netflix, како и за семејниот живот.
„Сега сум најсреќна во животот. Тоа што имам партнер и сопруг кој ме поддржува и што имам здрави деца кои се толку ведри и радосни... Од сите нешта кои ми се случија во животот, никогаш не би замислувала дека во овој момент ќе се чувствувам толку среќно и благодарно, а навистина се чувствувам така“ – изјави Меган.
