Томи и Ди Хилфигер неспорно имаат чувство за естетика. Дизајнерскиот пар ги отвори вратите на новиот дом за „Architectural Digest“ и заслужено добива комплименти за уредувањето кое го работел заедно со истакнатиот дизајнер на ентериери Мартин Лоренс Булард.
„Се вљубивме во овој дом и во фактот што е покрај езерото. Никогаш не сме живееле во Палм Бич, па ова е забавна транзиција“ – вели двојката за имотот покрај естуарот Лејк Ворт Лагун.
Куќата е изградена во 2006 година во медитерански шпански стил и вклучува три спални соби. Во дворот примамува поглед син базен со прекрасен поглед.
