Мажите прво гледаат во женските очи и насмевката, па во градите

Што мажите прво забележуваат кај жените? Според ново истражување, женските очи први го „фаќаат“ машкиот поглед.

Дури 70% од 1.000 учесници во истражувањето признале дека прво гледаат во очите на жената. Женската насмевка е на второ место, додека градите се на трето место.

И голем процент од жените кои учествувале во истражувањето откриле дека кај претставниците на спротивниот пол прво ги забележуваат очите, а потоа насмевката и на трето место висината.

„Очите обично говорат многу за една личност, па не сме изненадени што токму очите нè привлекуваат најмногу кај спротивниот пол“ – изјавил претставник на компанијата Murine која го финансирала истражувањето.

Косата и фигурата исто така им се важен фактор на мажите, па по градите, тие ги насочуваат очите кон женската фризура и го оценуваат изгледот на женското тело.

Од друга страна, на жените им е особено важна висината на мажите, а дури потоа изгледот на нивната коса.