Маж создава плетени кукли со витилиго за да им ја зголеми самодовербата на децата со оваа состојба

Бразилец со витилиго пронајде одличен начин за да им помогне на децата кои ја имаат истата кожна болест како него. Тој им плете кукли кои имаат бели дамки на кожата, со цел да им покаже дека не се сами и да им ја зголеми самодовербата.

Жоао Станганели ја создал првата кукла како подарок за неговата внука, за таа секогаш да се сеќава на него. Така се родила идејата за создавање инклузивни кукли кои им помагаат на децата да се чувствуваат ценето и „нормално“ без разлика на изгледот и нивната ситуација.

Насмевката која им ја носи на дечињата со своите дела го инспирира уште повеќе да работи. „На почетокот ме болеа прстите и грбот, но денес не ме болат повеќе. Сè уште не сум се пензионирал, сè уште работам во бизнисот со храна, но многу помалку. Во моментов, 90% од времето го минувам правејќи кукли. Имам многу нарачки“ – вели 64-годишниот Бразилец.

Покрај кукли со витилиго, тој создава и други инклузивни кукли – во извалидска количка, слепи, со алопеција и сл.