Мартин од Next Time со неодолива фотосесија за првиот роденден на ќеркичката: „Бескрајна среќа“
Мартин Филиповски и Андреа Белеска викендов го прославија првиот роденден на нивната ќерка Лиана.
„Дете наше, ти ја посакуваме среќата што ни ја донесе дома на овој ден, пред една година“ – ѝ порача Андреа на нејзината малечка и сподели фотографии од неодоливата славеничка фотосесија.
Дневната соба беше украсена со пастелни балони, роденденски капчиња поставени на омилените плишани играчки и мала торта со цветови од која Лиана слатко се насладуваше со рачињата.
„Една година бескрајна среќа“ – напиша музичарот од Next Time во описот на емотивната видео компилација која ги обедини најубавите моменти од првата година на слаткото девојче.
Мартин и Андреа, кои се венчаа во јуни 2023 година, во јули годинава организираа и крштевка за ќеркичката во црквата „Свети Јован Крстител“ во Скопје.
