Марк Закерберг ѝ го прегрнува трудничкото стомаче на сопругата Присила пред објективот на Ени Либовиц

Марк Закерберг со нетрпение очекува да стане родител. Пред неколку часа основачот на социјалната мрежа Facebook објави фотографија на која го прегрнува трудничкото стомаче на својата избраничка Присила Чен и доби повеќе од 600 илјади лајкови.

Во описот на фотографијата, направена од неповторливата Ени Либовиц, Марк со зборови полни љубов го опишува карактерот на сопругата. „Ова е прекрасна фотографија од Присила. Го обожавам нејзиниот израз: интензивен, а мил; жесток, а полн со љубов; лидерски, а секогаш полн со поддршка за другите. Ти благодарам Ени Либовиц што го долови толку убаво нејзиниот дух“ – пишува Закерберг во описот на фотографијата.

Марк и Присила со родителите и сестрата на Марк

Парот објави дека го очекува своето прво дете во јули со емотивен текст во кој откри дека Присила претходно имала три спонтани абортуси.

Марк и Присила стапија во брак на 19 мај 2012 година во дворот на нивниот дом во Калифорнија.