Марјана Станојковска блескаше на сцената на јубилејното 40-то издание на „Макфест“.
Македонската убавица влезе во улога на водителка на Фестивалот на забавни мелодии заедно со колегата Димитар Атанасовски. На првата вечер од свеченоста во Штип, Марјана избра бела светкава креација од ателјето Bianka Sposa.
„40 години музика. 40 години емоции. 40 години насмевки и солзи. 40 години љубов, среќа и тага. 40 години историја, традиција...“ – рекоа водителите на почетокот од музичкиот фестивал.
„Песната живее — 40 години Макфест. Четири децении љубов кон музиката, кон емоцијата што нè спојува! Од Штип до цела Македонија, сцената каде се родија безвременски хитови и нови музички ѕвезди. Оваа година славиме традиција, талент и магија на песната“ – напиша Станојковска.
Првата вечер е посветена на дебитантите и на неа настапија 13 нови изведувачи со оригинални композиции.
ФОТО: Тоши Трајчев / Femina.mk