Малума сред настап остро прекори мајка која го однесе бебето на концерт без штитници за уши
Малума несомнено се грижи за најмалите.
31-годишниот пејач, кој стана татко во март минатата година, ја изненади публиката на концертот во Мексико Сити кога неочекувано го прекина настапот. Славниот музичар прекори мајка која го однесе едногодишното бебе на концерт без штитници на ушите.
„Со цела почит... Дали навистина мислиш дека е добра идеја да донесеш едногодишно бебе на концерт каде децибелите се толку високи? Каде звукот е толку гласен? Тоа бебе дури и не ни знае што прави тука.“
„Следниот пат, заштити му ги ушите. Навистина. Тоа е твоја одговорност. Го мавтате како да е играчка. Тоа бебе не сака да биде тука, навистина. Ви кажувам со сета љубов и почит, сега кога сум татко… никогаш не би го донел детето на концерт. Следниот пат, бидете малку посвесни“ – ѝ рече тој.
Maluma stops his concert in Mexico City to scold a mother who brought her 1-year-old baby without ear protection:
— Pop Crave (@PopCrave) August 10, 2025
“That is an act of irresponsibility. And you’re swinging him around as if he were a toy. That child doesn’t want to be there.” pic.twitter.com/ptxpcuuHzw
Реакцијата на Малума беше проследена со аплауз од дел од публиката, додека некои од присутните останаа изненадени од неговата искреност. Тој подоцна продолжи со настапот, но јасно стави до знаење дека безбедноста и здравјето, особено на најмладите, треба да бидат приоритет.
Видеото брзо се прошири на социјалните мрежи, а многумина го пофалија пејачот за реакцијата.
Малума има една ќерка со саканата Сузана Гомез.
