Мали радости покрај море: Нина Ангеловска со сопругот и синчето во Порто Монтенегро

Нина Ангеловска го посети луксузниот марина-ресорт Порто Монтенегро во Тиват заедно со сопругот и малиот син.

Примарниот повод за нејзиното патување на црногорското крајбрежје беше деловен настан, но Ангеловска покажа како успешно се балансираат професионалните ангажмани со приватниот живот. Имено, на ова патување придружба ѝ беа сопругот Виктор Станков и нивниот син Стефан.

Додека Ангеловска беше посветена на своите професионални обврски, сопругот и малиот Стефан го искористија пријатното априлско сонце за истражување на крајбрежјето и уживање во медитеранската атмосфера на ресортот. Дел од скапоцените заеднички мигови надвор од работните сали, таа сподели и со своите следбеници на Инстаграм.

Усогласувањето на динамичниот животен стил и патувањата со мало дете носи свои специфики, тема на која Нина искрено зборуваше во интервју за Фемина.

Патувањето е напорно да, додека шетањето таму ако го следите неговото темпо, не е нешто поразлично од тука, секако зависи од динамиката што родителите ја имаат воспоставено и за кога се дома. Исто така, вреди, напорот се заборава брзо, кога ќе го видите тој зачуден, љубопитен поглед и гласни насмевки.

Ако треба да дадам некои препораки, тоа би било родителите да планираат удобен распоред, без преголем број активности. Да бидат флексибилни и да го следат темпото и расположението на детето, па спрема тоа да го модифицираат распоредот. Да се спремат психички и физички за „трчање“ по детето, особено ако патуваат со 1-2 годишен тодлер, чести се моментите кога трча во спротивна насока, се качува, се симнува по скали. – рече таа по патувањето со Стефан во Амстердам.