Мала принцеза: Нејмар и Бруна со луксузна бајковита забава за роденденот на ќеркичката Мави
Поголемата ќеркичка на Нејмар и Бруна Бјанкарди наполни 2 години.
33-годишниот фудбалер и 31-годишната инфлуенсерка го прославија роденденот на малата Мави со луксузна и волшебна забава инспирирана од светот на Дизни принцезите. Заедно со нив беше и бебенцето кое го добија во јули оваа година.
Нејмар и Бруна споделија моменти од забавата на социјалните мрежи, каде гордо објавија фотографии и видеа со среќната Мави.
„ Каква прекрасна прослава! Каков посебен ден... Ти донесе уште повеќе светлина во нашите животи! Бог нека те благослови засекогаш. Те сакаме многу многу“ – напиша Бруна во описот на видеото.
Настанот се одржа во Бразил, на локација која за оваа прилика беше претворена во вистински бајковит замок. Малата Мави беше ѕвезда на забавата облечена како принцеза со розово фустанче и фустанче инспирирано до Снежана.
Присутните гости уживаа во магична атмосфера со внимателно осмислен декор инспириран од Дизни приказните. Салата беше украсена со кочија, големи балони во пастелни бои, цветни аранжмани и тематски реквизити од анимирани филмови како „Пепелашка“, „Снежана“, „Црвенкапа“ и „Моана“.
Сите дечиња беа маскирани, а се појавија и актери преправени во познатите Дизни ликови, кои се дружеа со дечињата, раскажувајќи приказни и пеејќи песни. Роденденската торта, висока три ката, беше вистинско ремек-дело со цветови и кошничка со јаболка на врвот.
