Ведрана Тунески ѝ донесе злато на Македонија.
Талентираната таеквондистка го освои првото место во кадетска конкуренција до 51 килограми на престижниот меѓународен турнир Г1 Сараево Опен и го развеа македонското знаме.
Тунески стигна до највисокото место на пиедесталот со четири убедливи победи и без загубена рунда. Како прв носител во категоријата, беше слободна во првото коло, а потоа во осминафиналето ја совлада Турчинката Зејнеп Догру со 2-0. Во четвртфиналето македонската натпреварувачка беше подобра од Арина Ткачева од Русија со 2-0, додека во полуфиналето со идентичен резултат ја елиминираше Далиа Сивиќ од Босна и Херцеговина.
Најголемиот предизвик ја очекуваше во финалето, каде што со 2-0 ја победи Русинката Ксенија Гушева, која само два дена претходно ја освои титулата европски клупски шампион во истата категорија.