Чарна Невзати со впечатлива креација блесна на отворањето на 72-рото издание на Мис на светот.
Македонската претставничка изгледаше сензационално на церемонијата која се одржа во Хајдерабад, Телангана.
Плисираната омбре креација со боите на македонското знаме беше надополнета со раскошен цветен додаток на главата. Фустанот е со потпис на Fouad Sarkis.
„Почестена сум што ја носев оваа прекрасна креација од Fouad Sarkis, благодарам што направи да се чувствувам како кралица!“ – напиша Невзати.
На сцената нашата убавица дефилираше меѓу над 100 мисици од целиот свет. Финалето на изборот за убавина ќе се одржи на 31 мај.
